2020 වසර දක්වා ජාතික කණ්ඩායම නියෝජනය කළ ජයසූරිය, සිය තුන් ඉරියව් දක්ෂතා හේතුවෙන් ප්රේක්ෂකයන් අතර ජනප්රියත්වයක් ලබා සිටියේය. 2020 වසරෙන් පසු ශෙහාන් ජයසූරිය අමෙරිකා එක්සත් ජනපදයට සංක්රමණය වූ අතර, එහිදී ඔහු පළමු පෙළ ක්රිකට් තරග සඳහා ක්රීඩා කිරීම ආරම්භ කළේය. අමෙරිකානු ක්රිකට් ව්යුහය තුළ ඔහුගේ දක්ෂතා හේතුවෙන්, ලෝක කුසලාන සංචිතය සඳහා ඔහුට අවස්ථාවක් හිමිවී ඇති බවට විශ්වාස කෙරේ. ලෝක කුසලාන තරගාවලියට පෙර සූදානමක් ලෙස අමෙරිකානු කණ්ඩායම විස්සයි විස්ස තරග 5ක පුහුණු තරගාවලියකට සහභාගී වීමට නියමිතය. කෙසේ වෙතත්, අමෙරිකානු ක්රිකට් ආයතනය සිය නිල ලෝක කුසලාන සංචිතය තවමත් ප්රකාශයට පත් කර නොමැත.