ලොව සුපතල වෝල්ට් ඩිස්නි ඇනිමේෂන් ස්ටූඩියෝස් (Walt Disney Animation Studios) විසින් නිෂ්පාදිත "Zootopia 2" චිත්රපටය, 2019 වසරේ තිරගත වූ "Frozen 2" චිත්රපටය අභිබවා යමින් ඩිස්නි ඉතිහාසයේ වැඩිම ආදායමක් ඉපැයූ සජීවීකරණ චිත්රපටය බවට පත්ව ඇති බව විදෙස් මාධ්ය වාර්තා කරයි. ඩිස්නි සමාගම විසින් පසුගිය බදාදා නිකුත් කරන ලද වාර්තාවලට අනුව, මෙම චිත්රපටය මේ වන විට අමෙරිකානු ඩොලර් බිලියන 1.46ක බොක්ස් ඔෆිස් ආදායමක් වාර්තා කර තිබේ.
මීට පෙර වැඩිම ආදායමක් උපැයූ සජීවීකරණ චිත්රපටය ලෙස පෙරමුණේ සිටි "Frozen 2" චිත්රපටය උපයා තිබූ ඩොලර් බිලියන 1.45ක ආදායම පසුකිරීමට "Zootopia 2" සමත් විය. මෙම විශිෂ්ට සාර්ථකත්වයට ප්රධානතම හේතුව වී ඇත්තේ චීනයෙන් ලැබුණු අතිශය ඉහළ ප්රතිචාරයි. චීනයේ පමණක් මෙම චිත්රපටය ඩොලර් මිලියන 560කට වඩා උපයා ඇති අතර, එහි ප්රදර්ශනය ආරම්භ කළ මුල් සති අන්තයේ චීනයේ මුළු සිනමා ටිකට්පත් අලෙවියෙන් සියයට 95ක්ම හිමිකර ගැනීමට සමත්ව තිබේ.
මෙය වෝල්ට් ඩිස්නි ඇනිමේෂන් ස්ටූඩියෝස් ඉතිහාසයේ ඩොලර් බිලියනය ඉක්මවා ගිය පස්වන චිත්රපටය ලෙස ද සනිටුහන් වේ. චිත්රපටයේ කතා වස්තුව ගෙතී ඇත්තේ ජූඩි හොප්ස් (Judy Hopps) නම් හාවා පොලිස් නිලධාරිනිය ලෙස සහ ඇගේ සහකරු වන නික් වයිල්ඩ් (Nick Wilde) නම් හිවලු සහකරුගේ නව වික්රමාන්විතයන් වටාය.
කොවිඩ් වසංගතයෙන් පසු ලෝක සිනමා කර්මාන්තය තවමත් සම්පූර්ණයෙන් යථා තත්ත්වයට පත්ව නොමැති පසුබිමක, "Zootopia 2" ලැබූ මෙම වාර්තාගත ආදායම සිනමා ක්ෂේත්රයේ නව පිබිදීමක් ඇති කිරීමට සමත්ව ඇති බව විචාරකයෝ පවසති. මෙම ජයග්රහණය සිනමා කර්මාන්තයට නව බලාපොරොත්තු එක් කර තිබේ.