කොළඹ මහාධිකරණය විසින් හිටපු අමාත්ය විමල් වීරවංස මහතා අත්අඩංගුවට ගැනීම සඳහා වරෙන්තුවක් නිකුත් කර තිබේ. අද (14) දින කොළඹ මහාධිකරණ විනිසුරු මොහොමඩ් මිහාල් මහතා විසින් මෙම නියෝගය ලබා දී ඇත.
මෙම වරෙන්තුව නිකුත් කිරීමට හේතු වී ඇත්තේ අල්ලස් හෝ දූෂණ චෝදනා විමර්ශන කොමිෂන් සභාව විසින් ගොනු කර ඇති නඩුවක විත්තිකරුවකු ලෙස නම් කර සිටි වීරවංස මහතා අධිකරණය හමුවේ පෙනී නොසිටීමයි. නීතිමය ක්රියාදාමයන්ට ගරු නොකිරීම සම්බන්ධයෙන් මෙලෙස අධිකරණය දැඩි ස්ථාවරයකට පැමිණ ඇත.
තවද, විනිසුරුවරයා විසින් විත්තිකරුගේ ඇපකරුවන්ට නොතීසි නිකුත් කරන ලෙසත්, නඩුව යළි කැඳවන දිනයේ දී වීරවංස මහතා අනිවාර්යයෙන්ම අධිකරණය හමුවේ පෙනී සිටින ලෙසත් නියෝග කර තිබේ.