පුනර්ජනනීය බලශක්ති සම්පත් සංවර්ධන සැලැස්ම 2025-2030 සඳහා කැබිනට් අනුමැතිය ලැබී ඇත. රටේ බලශක්ති අනාගතය සුරක්ෂිත කිරීම සහ හරිත ආර්ථිකයක් කරා ගමන් කිරීමේ අරමුණින් මෙම සැලැස්ම ක්රියාත්මක කිරීමට නියමිතය.
මෙම සැලැස්මේ ප්රධාන අරමුණු වන්නේ පුනර්ජනනීය බල ශක්තිය පිළිබඳ ජාතික ප්රතිපත්තියට අනුකූලව වසර 2030 වන විට ජාතික විදුලි ඉල්ලුමෙන් 70%ක් පුනර්ජනනීය බල ශක්ති ප්රභවයන්ගෙන් සපුරා ගැනීම සහ වසර 2050 වන විට කාබන් උදාසීනත්වය ළඟා කර ගැනීමයි. මෙම අරමුණු ඉටු කර ගැනීම සඳහා ක්රමවත් පුනර්ජනනීය බල ශක්ති සම්පත් සංවර්ධන සැලැස්මක් සකස් කිරීම අත්යවශ්ය විය.
2007 අංක 35 දරන ශ්රී ලංකා සුනිත්ය බලශක්ති අධිකාරිය පනත මඟින් ද මෙවැනි සැලැස්මක් සකස් කිරීමට නියම කර ඇත. ඒ අනුව, ශ්රී ලංකා සුනිත්ය බල ශක්ති අධිකාරිය විසින් අදාළ සියලු පාර්ශ්වයන් සමඟ පුළුල් සාකච්ඡා පවත්වා, මෙම සැලැස්ම සකස් කරන ලදී. යෝග්ය ඉඩම් හඳුනා ගැනීම සහ ප්රමුඛතාව ලබා දීම, පුනර්ජනනීය බල ශක්ති සිතියම හා පුනර්ජනනීය බල ශක්ති උද්යාන සංවර්ධනය කිරීමේ කාල රාමුව යන ප්රධාන ක්ෂේත්ර තුන මෙහිදී ආවරණය කෙරේ. එපමණක් නොව, පාවෙන සූර්ය බල ව්යාපෘතීන් ද මෙම සැලැස්මට ඇතුළත් කර ඇත.
බලශක්ති අමාත්යවරයා විසින් 'පුනර්ජනනීය බල ශක්ති සම්පත් සංවර්ධන සැලැස්ම 2025-2030' අමාත්ය මණ්ඩලය වෙත ඉදිරිපත් කරන ලදුව, ඒ සඳහා කැබිනට් අනුමැතිය ලැබී තිබේ. මෙය ශ්රී ලංකාවේ තිරසාර බලශක්ති අනාගතය සඳහා නව මාවතක් විවර කරනු ඇත.