යුරෝ මිලියන 1.1 ක වියදමින් ඉදිවූ මෙම පුහුණු මධ්යස්ථානය, නවීන තාක්ෂණික උපකරණ සහ දැනුම ලබාදීමට සැලසුම් කර ඇත. එය සිමියුලේටර් කැබින් එකකින්, පුහුණු මේස 8 කින් සහ නිරීක්ෂණ මේස 6 කින් සමන්විත වන බව දුම්රිය දෙපාර්තමේන්තුව සඳහන් කරයි. මෙම මධ්යස්ථානයේ පුහුණු කටයුතු සඳහා ත්රිමාණ (3D) තාක්ෂණය උපරිම ආකාරයෙන් භාවිතා කර තිබීම විශේෂත්වයකි.
පුහුණුව ලබන පුද්ගලයෙකුට සජීවී දුම්රියක් හැසිරවීම, දුම්රිය සංඥා ලබාගැනීම සහ ඒ අනුව දුම්රිය ධාවනය කිරීම, මෙන්ම හරස් මාර්ග නිවැරදිව භාවිත කිරීම වැනි අත්දැකීම් නිවැරදිව හා කඩිනමින් ලබාගත හැකිවේ. එමගින් නවක රියදුරන්ට ඉතා කෙටි කලකින් ප්රායෝගික පුහුණුවක් ලබාගැනීමට අවස්ථාව සැලසේ. නවීන තාක්ෂණයෙන් සපිරි මෙම පුහුණු මධ්යස්ථානය, ශ්රී ලංකාවේ දුම්රිය සේවයේ කාර්යක්ෂමතාව සහ ආරක්ෂාව තවදුරටත් ඉහළ නැංවීමට මහෝපකාරී වනු ඇත.