ආනයනය කරන ලද සුඛෝපභෝගී වාහන අතර ෆෙරාරි, රෝල්ස් රොයිස්, පෝෂ් සහ ලැම්බෝගිනි වැනි ලොව සුප්රසිද්ධ සන්නාමවලට අයත් වාහන ද තිබේ. මෙම මිල අධික වාහන මිලදී ගත් පාරිභෝගිකයන් ශ්රී ලංකා රජයේ ආදායමට සැලකිය යුතු දායකත්වයක් ලබා දී ඇති බවද එම වාර්තාව වැඩිදුරටත් පෙන්වා දෙයි. ශ්රී ලංකා මහ බැංකුව පසුගියදා නිකුත් කළ නවතම වාර්තාවකට අනුව, පසුගිය නොවැම්බර් මාසයේදී පෞද්ගලික රථවාහන සහ වාණිජ කටයුතු සඳහා යොදා ගන්නා වාහන ඇතුළුව සමස්ත වාහන ආනයන වියදම ඇමෙරිකානු ඩොලර් මිලියන 281ක් ලෙස වාර්තා වී ඇත. ඒ අනුව, පසුගිය වසරේ පළමු මාස එකොළහ තුළදී මෙරට සමස්ත වාහන ආනයන වියදම ඇමෙරිකානු ඩොලර් බිලියන 1.74ක් දක්වා ඉහළ ගොස් තිබේ.